“Saudi Arabian Airlines” İstanbula uçuşları bərpa edir

“Saudi Arabian Airlines” 2 illik fasilədən sonra İstanbula uçuşları bərpa edir.

Avtosfer.az-ın verdiyi xəbərə görə, bu barədə NTV kanalı məlumat yayıb.

İlk uçuş mayın 7-də Ər-Riyad və Ciddədən İstanbul hava limanına təşkil olunacaq.

Şirkət mayın 11-də Mədinədən İstanbula da uçuşlar həyata keçirəcək. Ciddə və Mədinə reysləri həftənin hər günü qarşılıqlı olaraq həyata keçiriləcək.

Ər-Riyaddan uçuşlar həftənin 3 günü, çərşənbə axşamı, cümə axşamı və şənbə günləri təşkil olunacaq.

APA