Şəhid atası: "Polis protokolumu vermir ki cəriməmi ödəyim" - AÇIQLAMA

Gəncə şəhər sakini, "Nuray" şadlıq sarayını icarə əsasında işlədən şəhid atası Səlim Hümbətov, barəsində Goranboy RPŞ əməkdaşları tərəfindən qərəzli şəkildə protokol tərtib edildiyini iddia edir.
Şəhid atası polis əməkdaşlarının onu 4000 manat məbləğində cərimələdiyini bildirir:
"Həmin polis mənim şəhid atası statusumu tanımır. Mənə karantin qaydalarını pozduğuma görə 4000 manat cərimə yazıb. Cərimənin protokolunu istəyəndə isə cəriməni ya şöbədə, ya da onun dediyi vasitəyə ödəməli olduğumu deyir. Protokolu vermir ki, gedib cəriməmi ödəyim”.
Daxili İşlər Nazirliyinin Mətbuat xidmətinin Gəncə regional qrupundan Yeniavaz.com-a məsələ ilə bağlı açıqlama verilib:
"Cari ilin iyul ayında sözügedən şadlıq sarayında "icaze.e-gov.az” saytında müvafiq qeydiyyatdan keçilmədən toy şənliyinin təşkil edilməsi barədə polis şöbəsinə məlumat daxil olub. İcarədar S. Hümbətov barəsində protokol tərtib olunaraq 400 manat məbləğində cərimə olunub. Lakin S.Hümbətov şəhid atası olmasını qeyd edərək ona güzəştə gedilməsini bildirdiyinə görə tərtib olunan protokol ləğv edilib. Buna baxmayaraq S.Hümbətov cari ilin avqust ayında Nazirlər Kabineti yanında Operativ Qərargah tərəfindən qəbul edilən 150 nəfər qonaq sayından artıq qonaq qəbul edərək karantin qaydalarını təkrar pozub. Buna görə də S.Hümbətov inzibati məsuliyyətə cəlb olunub”.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












