Sərnişinlər avtobusa minə bilmir - VİDEO

Paytaxtın Abşeron rayonu Hökməli və Qobu qəsəbələrinin sakinləri hər gün səhər işə gəlməkdə çətinlik çəkirlər. Onlar deyirlər ki, bu ərazidə işləyən marşrutların intervalı uzun olduğundan avtobuslar dolu gəlir və nəticədə insanlar uzun müddət dayanacaqda gözləməli olurlar. Marşrut sahibi isə problemi həll edəcəyinə söz verib.

Avtobusda o qədər adam var ki, sərnişinlər qapıdan sallanıb. Dayanacaqlarda isə xeyli sayda sərnişin gözləsə də, avtobus heç birində dayanmır. Bu mənzərə hər gün səhər saatlarında Abşeronun Qobu qəsəbəsindən Avtovağzala gələn 167 saylı marşurut avtobusunda yaranır. 167 saylı marşurut xəttinin nəzarətçisi isə deyir ki, sıxlıq yalnız səhər saatlarında və bəzən avtobuslarda nasazlıq yarananda olur. Avtobusların gec və dolu gəlməsi səbəbindən işə gecikən sərnişinlər isə məcbur qalaraq taksilərdən istifadə edirlər. Marşrutun sahibi Murad Mikayılov isə problemin tez bir zamanda aradan qaldırılacağına söz verib.