Servislərdə müştərilər necə aldadılır? - 2 ÜSUL

Xidmət sektorunda yalan danışılması, müştərilin aldadılması hər bir yerdə müəyyən qədər mövcuddur. Avtomobil sektoru da bu fırıldaqlardan xali deyil.

Avtosfer.az rus mənbələrinə istinadla xəbər verir ki, servislərdə avtomobil sahibinin aldadılması çox da çətin deyil. Bunun yolları da çoxdur. Lakin ikisi çox geniş yayılıb.

Ən geniş yayılmış üsul olmayan nasazlıq barədə məlumat verməkdir. Burada mexanizm belə işləyir: usta xarab olmayan detalı aldırır, lakin onu dəyişmir. Bu işə görə o, avtomobil sahibindən iş haqqı almaqla yanaşı təzə detalı mağazaya qaytararaq əlavə pul qazanır.
 

Yəni, burada ikiqat qazancı usta əldə edir. Mağaza sahibi isə aşağı qiymətə və uçotsuz detalı götürməklə onu daha münasib qiymətə növbəti müştəriyə təqdim edir. Burada itirən tərəf avtomobil sahibi və dövlət olur (uçotsuz mal qəbulu və vergidən yayınma).

Analoq (aşağı keyfiyyətli) detallardan istifadə saxtakarlığın ən geniş yayılmış versiyalarındandır. Burada isə iş prinsipi belədir: servis vitrində qoyduğu və sürücüyə göstərdiyi orijinal detal əvəzinə yan sənayenin məhsulunu avtomobilə qoyur. Bu dəfə də srücü ikiqat aldanır: həm artıq pul verir, həm də vaxtından tez sıradan çıxacaq detala görə servisə təkrar müraciət etməli olur. 

Əslində əksər sürücüləri aldatmaq mümkündür. Heç də hamı texnika mütəxəssisi deyil. Bu cür servis mərkəzləri ilə mübarizə də çətindir. Çünki heç bir mübarizə tədbiri vicdanı əvəz edə bilmir.

Vüqar