Sobaya yanacaq tökən kişi saniyələr içində alovlara büründü - ANBAAN VİDEO

Türkiyədə müəssisələrin birində isinmək üçün sobaya yanacaq tökən adam saniyələr içində alovlara bürünüb. Qorxunc hadisə İstanbulun Maltepe rayonunda baş verib.

Faciə anı müşahidə kameraları tərəfindən qeydə alınıb.

Kadrlarda işçinin yanacağı sobaya tökməsi ilə partlayış baş verdiyi və yanan kişinin alovlardan xilas olmaq üçün sexdə qaçması əks olunub.

Məlumata görə, kişi yıxıldıqdan sonra digər həmkarları ona kömək edə bilib.

İşçi xəstəxanaya yerləşdirilib, onun vəziyyəti ağır qiymətləndirilir.

(oxu.az)