Sürücülük mədəniyyətindən xəbərsiz «sürücü» - FOTO

Oxuculardan biri yol hərəkəti qaydalarını kobud şəkildə pozan sürücünün hərəkətlərini əks etdirən fotoları Avtosfer.az-a göndərib. Fotolardan görünür ki, «VAZ» markalı, 90 NO 367 dövlət nömrə nişanlı avtomobilin sürücüsü nəqliyyat vasitəsini düz piyada keçidinin üstündə park edib. Hətta, maşını elə saxlayıb ki, sanki parkinq yeri elə zebranın üstü olmalıdır.

Avtosfer.az oxucuların göndərdiyi bu tipli foto və videoları təqdim etməklə sürücüləri diqqətli olmağa, yol hərəkəti qaydalarına və başqalarına hörmətlə yanaşmağa və qanunların tələblərinə əməl etməyə çağırır. Gəlin, bu cür eybəcər mənzərələrinin yaranmaması üçün qaydalara əməl etmək. Siz bu cür hərəkətlərlə həm qayda pozursuz, həm də digər hərəkət iştirakçılarının rahat və təhlükəsiz hərəkətinə problem yaradırsız.  

Elmin