Tayvan və Macarıstan Livanda partlayan qurğuların istehsalını inkar edib

Tayvan və Macarıstan Livanın müxtəlif yerlərində partlayan qurğuların istehsalını inkar edib.

Avtosfer.az APA-ya istinadən xəbər verir ki, bu barədə Al Jazeera telekanalı məlumat yayıb.

“Tayvanlı “Gold Apollo” şirkəti cihazların istehsalını inkar edib və Budapeştdəki tərəfdaşı “BAC Consulting” işarə edib”, - telekanal qeyd edib.

Macarıstan hökumətinin sözçüsü Zoltan Kovaçın sözlərinə görə, sözügedən qurğular Macarıstanda heç vaxt mövcud olmayıb.

O qeyd edib ki, Budapeşt partlayışların araşdırılmasında bütün müvafiq beynəlxalq tərəfdaş qurum və təşkilatlarla əməkdaşlıq edir.