Toksik smoq nəqliyyatda ciddi problemlər yaradıb

Hindistan üzərində toksik smoq qalmaqda davam edir və bu vəziyyət ölkə üzrə nəqliyyatın fəaliyyəti və gündəlik həyat üçün ciddi çətinliklər yaradır. Zəif görünüş səbəbindən bir çox aviareys ləğv edilib, qatarların hərəkətində isə gecikmələr müşahidə olunur.

Avtosfer.az xəbər verir ki, paytaxt Dehlidə havanın keyfiyyət indeksi 358-ə yüksəlib ki, bu da təhlükəli çirklənmə səviyyəsi hesab olunur. Mövcud vəziyyətlə əlaqədar şəhər hakimiyyəti maksimum məhdudlaşdırıcı tədbirlərin tətbiqinə başlayıb. Belə ki, ofis əməkdaşları, tələbələr və məktəblilər distant iş və təhsil rejiminə keçirilib, dizel yanacaqlı yük avtomobillərinin şəhərə girişi qadağan olunub, tikinti işləri isə müvəqqəti dayandırılıb.

Hindistan Meteorologiya Departamenti regionda “narıncı” təhlükə səviyyəsi elan edərək, yaxın günlərdə də ekoloji vəziyyətin yaxşılaşmayacağı barədə xəbərdarlıq edib. Mütəxəssislər əhaliyə açıq havada uzun müddət qalmaqdan çəkinməyi tövsiyə edirlər.