Türkiyədə Aleyna Tilki və bir neçə məşhur saxlanıldı - YENİLƏNİB

Türkiyədə İstanbul Baş Prokurorluğu tərəfindən məşhurları hədəf alan genişmiqyaslı narkotik əməliyyatı çərçivəsində növbəti üç məşhur barəsində qərar verilib.

Bu barədə Avtosfer.az "Haber Global"a istinadən xəbər verir.

Məlumata görə, Türkiyədə tanınmış şəxslərdən olan və hazırda ölkə xaricində olduqları müəyyən edilən Şeyma Subaşı, Şevval Şahin və Mert Vidinli haqqında saxlanılma qərarı verilib.

***10:06

Türkiyədə bir neçə tanınmış şəxs narkotik maddələrin istifadəsi və satışında şübhəli bilinərək saxlanılıb.

Avtosfer.az Türkiyə mətbuatına istinadən verir ki, onlar polisin keçirdiyi əməliyyat çərçivəsində istintaqa cəlb olunublar.

Saxlanılan şəxslər arasında müğənni Aleyna Tilki, influenser Danla Bilic və aktrisalar - Mümine Senna Yıldız və İrem Sak var.

Qeyd olunub ki, saxlanılmaları haqqında qərar çıxarılan müğənni Yusuf Güney və aktrisa Melisa Döngel isə polisin keçirdiyi əməliyyat zamanı evlərində tapılmayıb.