Türkiyədə dizel yanacağı istehsalının həcmi açıqlanıb

Bu ilin aprel ayında Türkiyədə ümumilikdə 1 480 576 ton dizel markalı benzin istehsal edilib.

Avtosfer.az xəbər verir ki, bu barədə TurkicWorld-ə Enerji Bazarının Tənzimlənməsi Qurumundan (EPDK) bildirilib.

Məlumatda qeyd edilib ki, istehsal olunun dizel markalı benzinin ümumilikdə 879 541 tonu Türkiye Petrol Rafinerileri A.S. (Tüpraş) tərəfindən istehsal edilib. Qalan 601 34 ton isə Azərbaycan Dövlət Neft Şirkətinin (SOCAR) Türkiyədəki STAR neft emalı zavodu tərəfindən istehsal edilib.

Belə ki, Tüpraş-ın Türkiyənin İzmit şəhərində yerləşən zavodundan ümumilikdə 429 713 ton, İzmirdə yerləşən zavodundan 309 660 ton və Kırklareli şəhərində yerləşən zavodundan isə 140 168 ton dizel markalı benzin istehsal edilib.