Türkiyənin Samsun şəhərində xarici ölkə vətəndaşı olan bir xanım övladını küçədə dünyaya gətirib.

“Haber Global”ın məlumatına görə, hadisə şəhərin İlkadım ilçəsinin İbn Sina küçəsində baş verib.

Doğum sancıları tutan qadın xəstəxanaya getmək istəyərkən, yol kənarındakı səki üzərində uşaq dünyaya gətirib. Tezliklə hadisə yerinə gələn təcili yardım avtomobili ilə ana və körpəsi xəstəxanaya aparılıb.

Yaxınlıqdakı mənzillərdən birinin sakini hadisəni mobil telefonu vasitəsilə qeydə alıb.