Türkiyədə "qırmızı bülleten"lə axtarışda olan azərbaycanlı saxlanıldı

Türkiyədə "qırmızı bülleten"lə beynəlxalq axtarışda olan Azərbaycan vətəndaşı A.J. Mersin şəhərində jandarma tərəfindən tutulub.

Avtosfer.az bu barədə DHA-ya istinadla xəbər verir.

Bildirilir ki, vilayət üzrə Jandarma Cinayət Axtarış Qrupu (JASAT) A.J.-nin Antalyadan Mersinə gələcəyi barədə operativ informasiya əldə edib. Məlumat əsasında Silifke rayonunda şübhəliyə məxsus avtomobil dayandırılıb və xüsusi əməliyyatla A.J. həbs olunub.

Şübhəli, jandarmadakı əməliyyat-istintaq tədbirləri başa çatdıqdan sonra ekstradisiya prosesi çərçivəsində Türkiyə Miqrasiya Məsələləri üzrə Baş İdarəsinə təhvil verilib.