Ucarda narkokuryer saxlanıldı - FOTO

Ucarda narkokuryer saxlanılıb. Avtosfer.az xəbər verir ki, DİN-in Mətbuat Xidmətinin Şirvan regional qrupundan verilən məlumata görə, Ucar Rayon Polis Şöbəsinin əməkdaşları tərəfindən keçirilən tədbirlərlə Bakı şəhər sakini, əvvəllər narkotiklərlə əlaqəli cinayətlərə görə məhkum olunmuş İlqar Gözəlov saxlanılıb. Ondan 2 kiloqramdan artıq tiryək və marixuana aşkarlanıb. Araşdırmalarla zamanı İ.Gözəlovun maddi gəlir qarşılığında  narkokuryerlik etdiyi müəyyən edilib. 

Faktla bağlı Ucar RPŞ-də cinayət işi başlanıb, saxlanılan şəxs barəsində həbs qətimkan tədbiri seçilib. 

Araşdırmalar davam etdirilir.