Ukrayna Rusiyaya məxsus sualtı qayığı vurub

Ukrayna Silahlı Qüvvələri Krımda Rusiyaya məxsus sualtı qayığa və S-400 zenit-raket kompleksinə hücum edib.

Avtosfer.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, avqustun 2-də Ukrayna Silahlı Qüvvələrinin raket qoşunlarının bölmələri Hərbi Dəniz Qüvvələrinin bölmələri ilə əməkdaşlıq edərək “Triumf” hava hücumundan müdafiə sisteminin 4 buraxılış qurğusuna zərər vurub.

Bundan əlavə, ukraynalı əsgərlərin Sevastopol limanına hücumu nəticəsində Rusiyanın Qara dəniz donanmasının “Rostov-na-Don” sualtı qayığı vurulub.

(unikal)