Vyetnamda ilk metro xətti istifadəyə verilib

Vyetnamın ilk metro xətti şənbə günü ölkənin paytaxtı – Hanoy şəhərində fəaliyyətə başlayıb.
APA-nın xarici mətbuata istinadən verdiyi məlumata görə, şəhər rəhbərliyi bütün sərnişinlərə ilk 15 gün ərzində metrodan pulsuz istifadə etmək hüququ verib.
Yol ötürücüsünün üzərinə qaldırılmış 13 kilometrlik dəmir yolu şəhərin mərkəzini yeni ucqar yaşayış massivləri ilə birləşdirir. Xətt boyu orta sürəti 35 km/saat olan 12 qatar hərəkət edəcək ki, onların hər biri dörd vaqondan ibarətdir və 900-dən çox sərnişin daşımaq üçün nəzərdə tutulub.
Xatırladaq ki, Hanoyda metronun birinci xəttinin tikintisinə 2011-ci ildə başlanılıb. İlkin olaraq güman edilirdi ki, metronun ilk sınaqları 2013-cü ildə baş tutacaq, 2014-cü ilin əvvəlinə isə metro xətti artıq şəhər nəqliyyat sisteminin inteqrasiya olunmuş hissəsinə çevrilməli idi. Bununla belə, gələcək metro obyektləri üçün ərazinin boşaldılmasında yaranan çətinliklərlə əlaqədar layihənin ilkin mərhələsində çoxsaylı gecikmələr tikintinin dəyərini 160% artırıb və xəttin istifadəyə verilməsinin gözlənilən tarixini xeyli gecikdirib. Layihəyə qoyulan ümumi investisiya nəzərdə tutulan 330 mln. ABŞ dolları əvəzinə təxminən 886 mln. dollar təşkil edib.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












