Xaçmaz, Siyəzən və Xızıda anım tədbirləri keçirilib

Xaçmaz, Xızı və Siyəzən RPŞ-lərinin əməkdaşları Vətən müharibəsinin
ildönümü ilə əlaqədar keçirilən tədbirdə iştirak ediblər.
Daxili İşlər Nazirliyinin Mətbuat Xidmətinin Quba regional qrupundan verilən
məlumata görə tədbirlər şəhər mərkəzlərində yerləşən Şəhidlər xiyabanında baş
tutub. Tədbirdə Rayon Polis Şöbəsinin əməkdaşları, rayon rəsmiləri, şəhidlərimizin
ailə üzvləri, qazilər, hərbçilər və yerli sakinlər iştirak ediblər. Ziyarətçilər şəhidləri
yad edib, onların ruhuna dualar oxuyublar.