Xəttə cəmi 3 avtobus işləyir - Bura Əhmədlidir - VİDEO

Kənd Əhmədlidən metronun "Əhmədli" stansiyasına hərəkət edən yeganə marşrut xəttində cəmi 3 avtobus işləyir. Söhbət 42 saylı marşrut xəttindən gedir. Avtobusların azlığı intervalın xeyli uzanmasına gətirib çıxarır ki, bu da sərnişinlərin narazılığına səbəb olub. Onların sözlərinə görə, avtobusa minmək üçün isti yay günlərində azı 30 dəqiqə vaxt itirirlər. Marşurutlar gec gəldiyindən sərnişinlər həm pullarından olurlar, həm də vaxtlarından.

Sürücülər isə deyirlər ki, intervalın uzun olmasının səbəbi tələbin az olmasıdır.

Problemlə bağlı avtobusun məxsus olduğu sahibkarla əlaqə saxladıq. bildirildi ki, xəttə 3 avtobusun olmasının başlıca səbəbi yay aylarında həmin ərazidə avtobuslara tələbin az olmasıdır. yaxın 1 həftə ərzində dərs ilinin başlanması nəzərə alınaraq xəttə əlavə 3 avtobus da buraxılacaq ki, bu da intervalın xeyli azalmasına gətirib çıxaracaq.