Yasamalın bir sıra ərazilərində qaz təchizatı dayandırıldı

Bakının Yasamal rayonunun bəzi ərazilərinə qazın verilişi 10:00-dan dayandırılıb.

Avtosfer.az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.

Bildirilib ki, təchizatın dayandırılması Yasamal rayonundakı mövcud qaz xəttində aşkar olunmuş qaz sızmasının aradan qaldırılması ilə bağlıdır.

Qaz təchizatı dayandırılan müddətdə Ə.Əhmədov, D.Bünyadzadə, M.Xiyabani, M.Mirzəyev, Kənar Dairəvi, 7-ci Alatava, General Həmidov, Ü.Əkbərov, X.Mustafayev, X.Dadaşov, Z.Kərimov, Şərifzadə küçələrinin və 2-ci Alatava qəsəbəsinin bir hissəsinin qaz təchizatında müvəqqəti fasilə yaranacaq.