Yaşıl işıqda "Audi" ni geriyə sürən azərbaycanlı həbs olundu

Rusiyanın Sankt-Peterburq şəhərində Dövlət Yol Müfəttişliyinin əməkdaşları sürücünü qeyri-adi yol hərəkəti qaydasını pozduğuna görə saxlayıblar. Məlum olub ki, o, sürücülük hüquqlarından da məhrum edilib.

Avtosfer.az yerli KİV-ə istinadla bildirir ki, hadisə Primorski rayonunda, Boqatırski prospekti ilə Polevaya Sabirovskaya küçəsinin kəsişməsində baş verib. Yol kəsişməsində işıqforun yaşıl işığı yanıb və ancaq “Audi A8” markalı avtomobil sürətlə geriyə hərəkət edib.

Sürücünün avtoservisdə mexanik işləyən 33 yaşlı Azərbaycan vətəndaşı olduğu üzə çıxıb. O, bu ilin mart ayında sərxoş vəziyyətdə avtomobil idarə etdiyinə görə il yarım müddətinə sürücülük vəsiqəsindən məhrum edilib. Avqustun 4-də həmin şəxs saxlanılaraq polisə aparılıb. O, kamera qarşısında üzr istəyib və qayda pozuntusunu bilərəkdən etmədiyini bildirib. O deyib ki, avtomat sürət qutusu sıradan çıxdığı üçün geriyə getməli olub.

Polis əvvəlcə manevr qaydalarını pozduğuna görə həmin şəxsə qarşı inzibati protokol tərtib edib. “Audi”nin yoxlanılmasından və sənədlərin öyrənilməsindən sonra sığortanın olmaması və həddindən artıq rəngləmə, habelə nəqliyyat vasitəsini idarə etmək üçün məhkəmə qərarının pozulmasına görə protokollar əlavə edilib. Sonuncu qanun pozuntusuna görə məhkəmə həmin şəxsə 10 sutka inzibati həbs cəzası verib. “Audi” avtomobili xüsusi dayanacaqda yerləşdirilib və saxta dövlət nömrə nişanlarının olub-olmaması yoxlanılır.

(lent.az)