Yaşlı qadın yolun ortasında ölümdən belə qurtuldu - VİDEO

Bakıda piyada keçidinin yanında yolu qaydalara əməl etmədən keçən qadın ölümdən dönüb. Avtosfer.az-ın məlumatına görə, bununla bağlı real video sosial şəbəkələrdə yayılıb. Əlində yük olan yaşlı qadın keçid ola-ola maşınların arası ilə yolu elə keçir ki, sanki heç burada avtomobillər hərəkət etmir. Qarşıdakı maşın piyadanı görüb kənara çəkilsə də, arxadan gələn maşın az qala onu vursun. Sürücünün ayıqlığı nəticəsində yaşlı qadın ölümdən bir anda xilas olur.

Bu görüntülər bəzi insanların öz həyatına nə qədər biganə yanaşdığını göstərir. Üstəlik, bəzi insanlar bilərəkdən və ya bilməyərəkdən başqalarının da həyatını puç etməyə can atırlar. Maraqlıdır ki, yollarda bu cür kobud davranışlara daha çox qadınlar yol verir.

Həmin görüntüləri təqdim edirik.

Elmin