Yol çəkilib, nişanlar yoxdur - VİDEO

Cəlilabad rayonunda hər il kəndləri birləşdirən yeni yollar çəkilsə də, həmin yolların bəzilərində hərəkəti tənzimləyən nişanlar yoxdur. Bu vəziyyət sürücüləri narahat edir. İki rayonu birləşdirən yol asfaltlansa da, hərəkəti tənzimləyən lazımi nişanlar qoyulmayıb.

Cəlilabad - Yardımlı avtomobil yolu iki cənub rayonunu bir-biri ilə birləşdirməklə yanşı, bölgədəki kəndlərdən də gediş gəlişi təmin edir. Nəqliyyat vastələrinin intensiv hərəkət etdiyi yol sərt döngələrdən, eləcə də iri kəndlərdən keçir. Yol Cəlilabadın 40-a yaxın kəndindən keçsə də cəmi üçünün girişində yol nişanları var. Onların da əksəriyyəti komunikasiya xətləri üçün nəzərədə tutulmuş dirəklərə bərkidilib.

Cəlilabad rayon yol patrul xidmətinin rəisi Nazim İsmayılov bildirib ki, bir neçə kənddəki yol nişanları daxili imkanlar hesabına qurulub. Qalan digər hissələrdə isə nişanlar yaxın gələcəkdə quraşdırılacaq.