Yol polisi nə edirsə, sürücü də onu təkrarlayır - Qayda pozuntusu - FOTOLAR
Xəbərlər
8 Avqust 2015 11:22
Oxunub 2577
Piyada keçidinin üstündə maşın park edən DYP maşını ilə mülkü avtomobilin fotoları yayılıb
Oxuculardan biri Avtosfer.az-a maraqlı fotolar göndərib. Fotolardan göründüyü kimi, Səbail rayonu, Salyan yolu şosesində – 20-ci sahə yaşayış massivində Dövlət Yol Polisinə (DYP) məxsus 99 YP 250 dövlət nömrə nişanlı patrul maşını piyada keçidinin üstündə dayanıb. Növbəti fotoda isə görürük ki, «Mercedes» markalı, 99 EB 126 dövlət nömrə nişanlı avtomobil də eyni qaydada piyada keçidinin üstünü zəbt edib.
Qeyd edək ki, DYP avtomobili Səbail rayon Dövlət Yol Polisi Şöbəsinə məxsusdur və elə bu fotonun çəkildiyi ərazi də DYPŞ-nin binasının qarşısıdır. İndi təsəvvür edin ki, yol polisi avtomobilinin pozduğu qaydanı başqa sürücü də eyni qaydada pozursa, yol polisi bu sürücüyə nə deyə bilər?
Yeri gəlmişkən, bu qayda pozuntusuna görə ən yaxşı halda hər iki sürücüyə dayanma-durma qaydalarını pozduqları üçün 20 manat cərimə yazmaq olar. DYP avtomobilini idarə edən yol polisi əməkdaşına lap birinci yazılmalıdır ki, başqalarına pis nümunə göstərib…
ŞƏRH YAZ
DİGƏR XƏBƏRLƏR
