Zaqatalada karantin qaydalarını pozan şəxslər barəsində tədbir görülüb - FOTO

Zaqatala Rayon Polis Şöbəsinin əməkdaşları karantin rejimindən irəli gələn qaydalara riayət edilməsi məqsədilə şəhər ərazisindəki qapalı məkanlarda və ictimai nəqliyyatda monitorinq keçiriblər.
Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a verilən məlumata görə, qapalı məkanlarda keçirilən yoxlamalar zamanı tibbi maskadan istifadə etməyən və yaxud düzgün şəkildə istifadə etməyən satıcı və alıcılara rast gəlinib. Polis əməkdaşları həmin şəxslərlə izahedici söhbətlər aparıb və sanitar-gigiyenik tələbləri izah ediblər. Qaydaları pozanlar barəsində İnzibati Xətalar Məcəlləsinin müvafiq maddəsi ilə protokol tərtib olunub. Həmçinin, iri ticarət mərkəzlərində bəzi müştərilərin COVID-19 pasportu olmadan obyektə daxil olduğu aşkarlanıb. Həmin obyektlərin sahiblərinə ciddi xəbərdarlıq edilib. Əhalinin sağlamlığının qorunması məqsədilə Nazirlər Kabineti yanında Operativ Qərargah tərəfindən tətbiq olunan qaydalara qeyd-şərtsiz əməl etməyin vacibliyi vurğulanıb.
Dövlət Yol Polisi bölməsinin əməkdaşları tərəfindən isə sərnişindaşıma ilə məşğul olan nəqliyyat vasitələri sürücülərinin COVID-19 pasportları yoxlanılıb, mövcud tələblər onların diqqətinə çatdırılıb. Eləcə də, ictimai nəqliyyatda tibbi maskadan istifadə etməyən sərnişin və sürücülər aşkarlanıb, onların barəsində qanunvericiliyə uyğun müvafiq tədbirlər görülüb.




Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












