"Avtoşluq" edən sürücü məhkəməyə çıxarıldı və... - VİDEO

Bakıda qələbə sevincini qeyd edən sürücü idarə etdiyi avtomobillə avtoxuliqanlıq edib. Avtosfer.az xəbər verir ki, həmin görüntü sosial şəbəkədə yayılıb.
Belə ki, 99-VB-666 qeydiyyat nişanlı "BMW" markalı avtomobilin sürücüsü paytaxtın Nəsimi rayonunda yol hərəkəti qaydasını kobud və davamlı şəkildə, o cümlədən əhalinin dincliyini nümayişkaranə şəkildə pozub. 
Nəsimi Rayon Dövlət Yol Polisi Şöbəsi tərəfindən sürücü müəyyən olunaraq barəsində tərtib olunmuş protokol məhkəməyə göndərilib. 
Məhkəmənin qərarı ilə sürücü Kərimov Məhəmməd Əziz oğlunun sürücülük hüququ 1 il müddətinə məhdudlaşdırılmaqla 500 manat məbləğində cərimələnib.

Təbriz