Bakıda bu ərazidə sürücülər "protiv sürdü"; Yol polisi hərəkətə keçdi - VİDEO

Bakı Şəhər DYP İdarəsindən bölmə rəisi, polis kapitanı Toğrul Nəsirli Avtosfer.az-a açıqlamasında bildirib ki, paytaxtın Xəzər rayonu Binə qəsəbəsində sürücülərin əks istiqamətli hərəkət yoluna çıxaraq nəqliyyat axınına qarşı hərəkət etməsini əks etdirən videogörüntü ilə bağlı Xəzər RPİ-nin DYP Şöbədində araşdırma aparılır. Yol hərəkəti qaydasını kobud şəkildə pozan və digər nəqliyyat vasitələrinə təhlükə yaradan sürücülər müəyyən edilərək barələrində qanunamüvafiq tədbirlər görülür.

***

13:11

***

Bakının Xəzər rayonunun Binə qəsəbəsində sürücülərin kütləvi şəkildə əks yola çıxaraq hərəkət etməsini əks etdirən görüntülər yayılıb.

Avtosfer.az xəbər verir ki, görüntüləri jurnalist Səid Qərib paylaşıb.

Görüntülərdə qəsəbənin əsas yollarından biri sayılan Əli İsazadə prospektində qaydalarının kobud şəkildə pozulması öz əksini tapıb.

Qeyd edək ki, sürücülər prospektdə nə yol nişanlarına, nə də hərəkət qaydalarına riayət edirlər. Bu isə hərəkət iştirakçıları üçün təhlükəli vəziyyət yaradır.(baku.ws)