Bu nişandan sonra diqqətli olun: Radara düşə bilərsiniz - VİDEO

Paytaxtın Heydər Əliyev prospektində, şəhər istiqamətində hərəkət edən sürücülərin sürət həddi ilə bağlı düzgün seçim etməməsi yol hərəkəti üzrə ekspert Elməddin Muradlının diqqətini çəkib. O, bu vəziyyətin real təsvirini əks etdirən videogörüntü qeydə alıb və mövcud problemlə bağlı açıqlama verib.

Ekspertin sözlərinə görə, prospektin sonunda quraşdırılmış 3.25 yol nişanı (70 km/saat sürət məhdudiyyətinin sonu) sürücülərdə qeyri-müəyyənlik yaradır. Belə ki, bu nişandan sonra başqa bir göstəriş olmadığı üçün bir çox sürücü hansı sürətlə hərəkət etməli olduğunu dəqiq bilmir. Bura yaşayış məntəqəsi olduğu üçün, ümumi qaydalara əsasən, maksimum icazə verilən sürət həddi 60 km/saat olmalıdır.

Qanunvericiliyə görə, səlahiyyətli orqanlar yolun müəyyən sahələrində daha yuxarı hədd müəyyən edə bilərlər. Lakin 70 km/saat sürətin sonunu bildirən nişandan sonra başqa bir göstəriş olmadığı üçün sürücülər maksimum 60 km/saat sürətlə hərəkət edə bilərlər.

Fərid