Bu vəziyyətdə yol polisi sizə cərimə yaza bilər?- ŞƏRH - VİDEO

Sürücülər ikinci dərəcəli yoldan baş yola daxil olan zaman harada dayanıb yol verməli olduqlarını bir çox hallarda bilmir. Elə hallar olur ki, sürücü baş yola yaxınlaşan zaman yola daxil olub dayanır və baş yolda hərəkət edən sürücülərin yolunu kəsir. Həmin yolla maneəsiz hərəkət etməli olan sürücü qəzanın baş verməməsi üçün dayanaraq ikinci dərəcəli yoldan gələn sürücüyə məcburi şəkildə yol verməli olur. Bu cür vəziyyətdə yol polisi yol verməli olan sürücüyə cərimə yazanda isə sürücü etirazını bildirirərək protokolun qanunsuz olduğunu bildirir.

Bəs bu vəziyyətdə polis haqlıdır yoxsa sürücü?

Təbii ki, ikinci dərəcəli yoldan baş yola daxil olan sürücü kəsişmə yerinin bilavasitə qarşısında dayanaraq baş yolla hərəkət edən sürücülərə yol verməlidir. Əgər baş yolla hərəkət edən sürücü könüllü olaraq dayanıb ikinci dərəcəli yoldakı avtomobilə yol verirsə, burada qayda pozuntusundan söhbət gedə bilməz. Lakin təqdim etdiyimiz videodakı sürücü kimi baş yola daxil olub dayanırsa, onun dayanmağının heç bir əhəmiyyəti yoxdur və qayda pozmuş sayılır. Çünki yola daxil olub hərəkət zolağını zəbt edən sürücü baş yolla hərəkət edən sürücüyə birmənalı olaraq maneə yaratmış sayılır. Ona görə də belə hallarda sürücüyə yazılmış protokol qanuni hesab edilir.

Təbriz