Dəbilqəsiz sərnişin aparan sürücü qoşa xəttdən dönüb dayanacağa girdi - VİDEO

Bakıda yol hərəkəti qaydasını pozan motosiklet sürücüsünün hərəkətləri kameraya düşüb. Avtosfer.az xəbər verir ki, hadisə martın 29-da, paytaxtın Hüseyn Cavid prospektində qeydə alınıb.

Belə ki, 99-K-519 qeydiyyat nişanlı motosikletin sürücüsü qoşa xəttin tələbini pozaraq sola avtobus dayanacağına dönüb. Videogörüntüdən də aydın şəkildə görünür ki, sürücünün arxasında əyləşən sərnişin dəbilqədən istifadə etməyib.

Qeyd edək ki, dəlbiqədən istifadə etməyən sərnişinin daşınmasına görə, motosiklet sürücüləri İnzibati Xətalar Məcəlləsinin 329.2-ci maddəsilə 40 manat məbləğində cərimə oluna bilərlər.

Fərid