Hansı marşrutların sənədsiz sürücüləri var? - VİDEO

Hər gün minlərlə insanın həyatı onlara əmanət edilir. Paytaxtda fəaliyyət göstərən marşrut avtobuslarının bəzi sürücülərinə isə nəinki sərnişinləri, heç avtobusun özünü də etibar etmək olmaz. Çünki avtobusun sükanı arxasında əyləşən 18-19 yaşlı bəzi gənclərin ümumiyyətlə heç bir sənədi olmur.

Avtobusu idarə edən şəxsin minimum yaşı 21 olmalıdır. Bu barədə verilən suallara cavab olaraq isə həmin sürücülər avtobusu sürüb uzaqlaşıblar.

Nəqliyyatın İntellektual İdaretmə Mərkəzinin rəsmisi Şəfa Mehmanqızının açıqlamasına görə, sürücünün peşəkarlığı və yaşından şübhəsi olan vətəndaşlar dərhal qurumun 141 qaynar xəttinə zəng vurub avtobusun xətt nömrəsi və dövlət nömrə nişanını məlumat verə bilərlər. Qanunsuz hal aşkar olunduqda isə həmin sürücülərə qarşı ciddi cəza tədbirləri həyata keçirə bilərlər.

Mütəxəssislər isə sərnişindaşıma xidməti göstərən şirkətlərin vətəndaş etimadını qazanmaq üçün sürücülərin kimliyi və bacarıqları haqqında məlumatların ictimailəşdirilməsini vacib hesab edirlər.