Kim Çen In ölüb? - Kəşfiyyatdan REAKSİYA

Şimali Koreya lideri Kim Çen Inın ölümü barədə yayılan xəbərlər həqiqəti əks etdirmir.

Avtosfer.az xəbər verir ki, bu barədə “Yonhap” agentliyi Cənubi Koreya parlamentinin kəşfiyyat komitəsinin üzvləri üçün keçirilən qapalı brifinqin iştirakçılarına istinadən məlumat yayıb.

Məlumata görə, brifinq bu gün ölkənin Milli Kəşfiyyat Xidməti tərəfindən təşkil edilib. 

Qeyd olunur ki, sentyabrın 30-da keçirilən əvvəlki brifinq zamanı kəşfiyyat təxminən 140 kiloqram çəkisi olan və ürək-damar xəstəlikləri riskindən əziyyət çəkən Kim Çen Inda sağlamlığının pisləşməsinin əlamətlərinin aşkar edilmədiyini açıqlayıb.

Xatırladaq ki, daha əvvəl Böyük Britaniyanın “The Sun” nəşri Kim Çen Inın beyninə qan sızması nəticəsində komaya düşdüyü, vəziyyəti kəskin pisləşdiyindən və Pxenyanın tibbi imkanları kifayət etmədiyindən təcili müalicə üçün Çinə aparıldığı barədə xəbər yayıb. Bunun ardınca, Şimali Koreyanın Mərkəzi Teleqraf Agentliyi dövlət başçısının sərgidə çəkilmiş fotolarını dərc edib./Qafqazinfo