Keçiddə dayanmayan sürücü piyadalara təhlükə yaratdı - VİDEO

Oktyabrın 24-ü Bakı-Ələt yolunun 56-cı kilometrində yol hərəkəti qaydasını pozan sürücü piyadalara təhlükə yaradıb. Avtosfer.az xəbər verir ki, 99-LA-529 qeydiyyat nişanlı “Hyundai Santa Fee” markalı avtomobilin sürücüsü nizamlanmayan piyada keçidində dayanıb piyadalara yol verən avtomobillərə əhəmiyyət verməyərək gəldiyi sürətlə hərəkətinə davam edib. Bu zaman keçiddə hərəkət edən piyadalara təhlükə yaradıb.

“Yol Hərəkəti Haqqında Qanun”un 54-cü maddəsinin II hissəsində qeyd olunub ki, “əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər”.

Fərid