Maşının qabağını qaldırıb nömrəsiz, vəsiqəsiz və içkili halda sürən sürücü HƏBS EDİLDİ - VİDEO

Bakı-Sumqayıt yolunda yol hərəkəti qaydalarını kobud şəkildə pozan sürücü həbs olunub. Avtosfer.az">Avtosfer.az xəbər verir ki, 10-UJ-086 qeydiyyat nişanlı "VAZ-2106" markalı avtomobilin sürücüsü konstruksiyada ciddi dəyişikliklər edərək
avtomobilin ön tərəfini yuxarı qaldırıb, arxasını isə aşağı salaraq normativ tələbləri pozub. Bununla yanaşı sürücü avtomobilin ön qeydiyyat nişanını çıxararaq sözügedən yolda hərəkət edib.
Dövlət Yol Polisi İdarəsinin Ekoloji Nəzarət Bölüyünün əməkdaşları avtomobili dayandıran zaman məlum olub ki, sükan arxasındakı sürücünün nəqliyyat vasitəsini idarəetmə hüququ yoxdur və sərxoş vəziyyətdədir.

Baş Dövlət Yol Polisi İdarəsinin şöbə rəisi polis polkovnik-leytenantı Namidan Piriyev Avtosfer.az">Avtosfer.az-a açıqlamasında bildirib ki, sürücü Məmmədov Arzuman Vüqar oğlu saxlanılaraq barəsində qanunamüvafiq qaydada protokol tərtib edilib və toplanmış materiallar Binəqədi rayon Məhkəməsinə göndərilib. İnzibati Xətalar Məcəlləsinin 334.1-ci maddəsində nəzərdə tutulmuş inzibati xətanı törətməkdə təqsirli bilinən sürücü Məmmədov Arzuman Vüqar oğlu 10 gün müddətinə inzibati qaydada həbs olunub.

Təbriz