Məşhur müğənninin qızı və bacısı yol polisinə sərxoş yaxalandı – 2 illik həbs - FOTO

Müğənni Hülya Avşarın qızı Zəhra Çilingiroğlu və bacısı Helin Avşar ətrafında yaranmış qalmaqal böyüməyə başlayıb. Avtosfer.az-ın məlumatına görə, «qafqazinfo» Türkiyə KİV-nə istinadən xəbər verir ki, müğənninin bacısı Helin Avşar içkili halda avtomobil idarə edib. Avtomobildə Hülya Avşarın qızı Zəhra və dostu Sercan Yaşar da olub. Polis əməkdaşları avtomobilə “dur” əmri verib. Sercan Yaşar müğənninin bacısını xilas etmək üçün günahı öz üzərinə götürüb. Bu zaman polis əməkdaşları ilə Avşar ailəsinin üzvləri arasında incident yaşanıb. Sercan Yaşarın günahı öz boynuna götürməsi işi daha da çətinləşdirib. Sercan Yaşar bir neçə dəfə prokurorluğa dəvət olunsa da, bundan imtina edib. Türkiyə Baş Prokurorluğu açıqlamasında Sercan Yaşarın sərnişin oturacağında əyləşməsi təsbit edilib. Eyni zamanda Yaşar barəsində iki illik həbs istənilib.