Avtosfer.az | Reklam
Özbaşınalıq: Bakıda piyada yolunda kafe açdılar – FOTOLAR
Qaydalar 17 Sentyabr 2015 20:20 Oxunub 1641
Özbaşınalıq: Bakıda piyada yolunda kafe açdılar – FOTOLAR
Söhbət Dilarə Əliyeva küçəsindəki kafelərdən birinin sahibinin tutduğu əməldən gedir

Bakıda pul qazanmaq istəyən şəxslərin müxtəlif cür özbaşınalıqlarının şahidi olmuşuq. Növbəti özbaşınalıqda isə paytaxt Bakıda, şəhərin düz mərkəzində qarşılaşdıq. Musavat.com xəbər verir ki, şəhərin mərkəzində piyadalar üçün nəzərdə tutulan səki kafe sahibləri tərəfindən zəbt edilib. Hazırda piyadaların istifadəsi üçün nəzərdə tutulan səkidə masalar qoyulub, kafenin müştərilərinə xidmət göstərilir. Söhbət paytaxtın düz mərkəzində “28 May” metrosunun yaxınlığında Dilarə Əliyeva küçəsindəki kafelərdən birinin sahibinin tutduğu əməldən gedir. Dilarə Əliyeva küçəsində Səməd Vurğun bağının yanında piyadaların hərəkəti üçün iki səki salınıb. Səkinin bir hissəsi həmin küçədə olan kafe tərəfindən bağlanıb. Ehtimal ki, kafe sahibi piyadalar üçün iki səkinin çox olduğunu düşünüb. Buna görə də birini zəbt edib. Hazırda kafenin fəaliyyəti piyadaların hərəkətinə mane olur. Səməd Vurğun parkından yolu keçən piyadalar kafenin yeni zəbt edilən hissəsinə çıxırlar. Sakinlər isə vəziyyətdən narazıdırlar. Səkidən istifadə etmək istəyən piyadalar məcburən ya kafenin qarşısından keçəlidir, ya da yolu dəyişərək əks istiqamətdən yola davam etməlidirlər. Yaxınlıqdakı binanın sakinləri isə kafenin səs-küyündən narahatdır. 

Maraqlıdır, paytaxtın mərkəzi hissəsində olan bu özbaşınalıq müvafiq qurumların nədənsə diqqətini çəkmir.

Sirr deyil ki, Bakıda daşı-daş üstünə qoymaq icra hakimiyyətlərinin icazəsi olmadan əlbəttə mümkün deyil…

FOTO QALEREYA
ŞƏRH YAZ
Ad

E-mail

Şərh