Avtosfer.az | Reklam
Polisdən qaçan yük avtomobili sürücüsü süni tıxacla dayandırılıb həbs edildi - FOTO
Qaydalar 16 Oktyabr 2020 19:22 Oxunub 2596
Polisdən qaçan yük avtomobili sürücüsü  süni tıxacla dayandırılıb həbs edildi - FOTO

Bakıda yol polisinin əmrinə tabe olmayan sürücü həbs edilib. Avtosfer.az xəbər verir ki, paytaxtın Heydər Əliyev prospektində hərəkət edən 90-JU-701 qeydiyyat nişanlı "XCMG QY25K II" markalı xüsusi təyinatlı yük avtomobilinin sürücüsünə Yol Patrul Xidməti əməkdaşları tərəfindən dəfələrlə saxlama işarəsi verilib. Lakin sürücü buna məhəl qoymayaraq hərəkətinə davam edib. Qarşıda süni tıxac yaradaraq sürücünü dayandırdıqdan sonra o, yenə də polisin qanuni tələbinə tabe olmaqdan boyun qaçırıb.
Bakı Şəhər Dövlət Yol Polisi İdarəsinin bölmə rəisi Vaqif Əsədov bildirib ki, sürücü Salmanov Tural Salman oğlu ərazi aidiyyəti üzrə Suraxanı rayon 31-ci Polis Bölməsinə təhvil verilib. Onun barəsində toplanılmış materiallar məhkəməyə göndərildikdən sonra İnzibati Xətalar Məcəlləsinin 535.1-ci maddəsi ilə 20 gün müddətinə inzibati qaydada həbs qərarı verilib.


Təbriz

ŞƏRH YAZ
Ad

E-mail

Şərh