Qələbə xəbərini qeyd edən sürücülərin diqqətinə - VİDEO

Bildiyimiz kimi rəşadətli Azərbaycan Ordusu noyabrın 8-də tarixi şəhərimiz olan Şuşa şəhərini işğaldan azad etdi. Bu xəbər həm Azərbaycanın hüdudlarında yaşayan həmvətənlilərimiz tərəfindən, həm də bütün şəhər və rayonlarımızda yaşayan sakinlər tərəfindən yüksək sevinclə qarşılandı. 

Avtosfer.az xəbər verir ki, Xırdalan şəhərində bu sevinci yaşayan sürücü və sərnişinlər avtomobillərdən bayraq  asaraq küçələrdə yürüş ediblər. Bu cür sürücülərdən biri həmin yürüşə fərqli üsulda qoşulub. Belə ki, "Tofaş" markalı avtomobilin sürücüsü sərnişinləri yük yerində apararaq "Qarabağ Azərbaycandır"- şüarını səsləndiriblər. Onların sevincinin hansı həddə olmasını təbii ki, anlayarıq. Lakin bu cür təhlükəli hərəkətlər etməklə həm öz həyatlarını, həm də digər hərəkət iştirakçılarının həyatını təhlükəyə atmış olurlar. 
Qarşıda bizi gözləyən qələbə xəbərlərinin olmasını nəzərə alaraq hərəkət iştirakçılarına tövsiyə edirik ki, sevinc hisslərini təhlükəli hərəkətlərlə nümayiş etdirməsinlər. 

Təbriz