Təcili yardım radara düşdü, cərimə başqa sürücüyə yazıldı - ŞİKAYƏT - FOTO - VİDEO

Qayda pozmayan sürücü kamera vasitəsilə cərimələnib. Bu barədə sürücü redaksiyamıza şikayət ünvanlayaraq barəsində tərtib olunmuş protokola aid foto və videonu göndərib. Avtosfer.az xəbər verir ki, sürücü Əhmədiyə Abdurahmanov idarə etdiyi 99-HB-955 qeydiyyat nişanlı “Ford” markalı avtomobillə iyunun 9-u Ağsu-Ağdaş yolunun 184.9 km-də sürət həddini aşmadan hərəkət edərkən yanından yüksək sürətlə təcili tibbi yardım avtomobili keçib. Lakin xüsusi texniki vasitə onun barəsində 3 bal 150 manat məbləğində cərimə protokolu tərtib edib. Videogörüntüdən də aydın şəkildə görünür ki, sürət həddini təcili tibbi yardım avtomobili aşıb.

Ümid edirik ki, Baş Dövlət Yol Polisi İdarəsi sürücünün etdiyi şikayətlə bağlı araşdırmaya başlayacaq.

Fərid