Texniki baxışın qiymətindən xəbəriniz var? – Ucuzlaşıb - VİDEO

Xaricdə və onların baza modelləri əsasında MDB ölkələrində istehsal edilən avtomobillər iyulun sonunadək texniki baxışdan keçirilməlidir. Ancaq müşahidələr göstərir ki, əksər sürücülər qanuna edilən son dəyişiklikdən sonra texniki baxış üçün nə qədər pul ödəməli olduqlarını bilmir.

Xaricdə istehsal olunmuş avtomobillərin texniki baxış müddətinin başa çatmasına 1 aydanda az qalıb. Əksər sürücülər texniki baxış üçün ödəyəcəyi rüsumdan xəbərsizdir. İlin əvvəlində avtomobilin mühərrikinin həcminə görə alınan yol verigisi ləğv edildiyindən texniki baxışa görə alınan rüsum 20 manat olub.

Bu rüsum bütün avtomobillər üçün nəzərdə tutulur. Yəni yük və sərnişin avtomobillərdə eyni məbləği ödəməklə texniki baxışdan keçirilməlidir. Motosiklet və qoşqular üçün bu məbləğ 10 manatdır. Bu qayda pozuntusuna görə cərimə olunan sürücülər 10 gün ərzində həmin cəriməni ödəməlidir. Əks halda sürücü yenidən cərimələnə bilər.

Baş Dövlət Yol Polis İdarəsinin ictimayyətlə əlaqələr şöbəsinin rəisi Kamran Əliyev isə bu günün polis günü olduğunu əsas gətirərək məsələyə münasibət bildirməkdən imtina edib.