Tıxacda əyləncə axtaran sürücü əks yola çıxıb “şou” göstərdi - 77-SG-352 - VİDEO

Abşeron rayonu, Masazır qəsəbəsi, Əliağa Vahid küçəsində sürücü qayda pozaraq özünü videoya çəkib və sosial şəbəkədə paylaşıb.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Belə ki, 77-SG-352 dövlət nömrə nişanlı “Toyota Aqua” markalı avtomobilin sürücüsü əks istiqamətli yola çıxaraq axına qarşı hərəkət edib. Bir müddət sonra qarşıdan nəqliyyat vasitələrinin gəldiyini görən sürücü yenidən öz zolağına qayıdıb. Lakin o, bu vaxt həmin zolaqda hərəkətdə olan avtomobilə əngəl törədib.

Təəssüf ki, bəzi sürücülər yolda sıxlıq yaranan zaman kobud qayda pozaraq həm əks istiqamətdən gələn nəqliyyat vasitələrinə təhlükə yaradır, həm də digər maşınların yoluna girərək tıxacın daha da uzanmasına səbəb olurlar.

Nərmin