Tıxacdan qaçan sürücülər təhlükəsizlik adacığını zolağa çevirdilər - VİDEO

Paytaxtın Atatürk prospektində bir neçə sürücünün yol hərəkəti qaydalarını kobud şəkildə pozması avtomobilin kamerasına düşüb.

Avtosfer.az-ın məlumatına görə, xoşagəlməz hadisə dekabrın 16-da saat 17:35 radələrində qeydə alınıb. Belə ki, 77-TX-730 dövlət nömrə nişanlı “BMW” markalı, 99-UB-014 dövlət nömrə nişanlı “Mercedes Sprinter” markalı, 99-PN-337 dövlət nömrə nişanlı “Toyota Hilux” markalı və 90-YM-668 dövlət nömrə nişanlı “BYD” markalı avtomobillərin sürücüləri manevr qaydasını pozublar.
Tıxacda gözləmək istəməyən sürücülər təhlükəsizlik adacığının üzərinə çıxaraq hərəkətlərini davam etdiriblər. Nəticədə yolda sıxlıq daha da artıb.

Prospektdə qayda tanımayan sürücü əks yoldan gələn avtomobili az qala vuracaqdı - VİDEO

Qeyd edək ki, təhlükəsizlik adacıqları hərəkət zolaqlarını ayırmaq və qəza riskini azaltmaq məqsədi daşıyır. Belə sahələrə daxil olmaq həm inzibati qayda pozuntusu sayılır, həm də digər iştirakçıların həyatını təhlükəyə atır.

Nərmin