Xırdalanda "qoçuluq" edən iki sürücü görün nə etdi - VİDEO

Xırdalan şəhərində yol hərəkəti qaydasını kobud şəkildə pozan iki sürücü hərəkət iştirakçılarına təhlükəli anlar yaşadıb. Avtosfer.az">Avtosfer.az xəbər verir ki, Mehdi Hüseynzadə küçəsində hərəkət edən 99-SB-529 qeydiyyat nişanlı "İnfiniti" markalı avtomobilin sürücüsü, sağ zolaqda dayanan 99-ZR-976 qeydiyyat nişanlı "Vaz 2107" markalı avtomobilin sürücüsü ilə mübahisəsi düşdüyünə görə onu dayandırmaq üçün əks istiqamətə çıxıb. Bu zaman o, qarşıdan gələn sürücüyə təhlükə yaradaraq hərəkətinə mane olub.
Sürücü "Vaz" markalı avtomobilin qarşısını kəsdikdən sonra avtomobildən düşərək onunla mübahisə etməyə başlayıb. "Vaz" markalı avtomobilin sürücüsü isə qarşı hərəkət zolağına çıxaraq "İnfiniti" markalı avtomobilin sürücüsündən qaçmağa başlayıb. Həmin vaxt avtomobillərin arasından təhlükəli şəkildə keçərək svetoforun qırmızı işığında hərəkətinə davam edib. Onun bu hərəkəti bir neçə sürücüyə qəza vəziyyəti yaradıb.

Fərid