Dövlət qurumuna məxsus avtomobil keçmiş polisi vurub xəstəxanalıq etdi

Mingəçevirdə Avtomobil Yollarının Mühafizə Xidməti MMC-yə məxsus avtomobil keçmiş mühafizə polisi əməkdaşını vurub.

Avtosfer.az-ın Unikal.org-a istinadən məlumatına görə, hadisə Sənaye Parkının yaxınlığından keçən prospektdə qeydə alınıb. Yolların mühafizə idarəsinə məxsus dövlət nömrə nişanlı Niva markalı avtomobili yolu müəyyən olunmamış yerdən keçən 58 yaşlı şəhər sakini Qasım Qasımovu vuraraq ona müxtəlif dərəcəli bədən xəsarətləri yetirib.

Yaralı xəstəxanaya yerləşdirilib. 

Qeyd edək ki, Qasım Qasımov Mühafizə polisinin sabiq əməkdaşıdır.

Faktla bağlı araşdırma aparılır.