Ağdamda yol qəzası baş verdi: 1 nəfər həyatını itirib – FOTO

İyulun 7-də Ağdam rayon Təzəkənd kəndi ərazisində qeydə alınan ağır yol-nəqliyyat hadisəsi zamanı ağır xəsarət Ağdama rayon sakini Rövşən Aslanov Bərdə rayon mərkəzi xəstəxanasında həyatını itirib. APA-nın məlumata görə, ağır kəllə-beyin travması alan Rövşən Aslanov reanimasiya şöbəsinə yerləşdirilsə də, həkimlərin cəhdi onu xilas edə bilməyib.

***

Ağdamda yol-nəqliyyat hadisəsi baş verib, hadisə nəticəsində bir nəfər ağır xəsarət alıb.

Hadisə Bərdə-Ağdam yolunun Ağdam rayon Təzəkənd kəndi ərazisindən keçən hissəsində qeydə alınıb. Belə ki, Ağdam istiqamətində hərəkətdə olan "Mercedes" markalı minik avtomobili idarəetməni itirərək aşıb. Hadisə nəticəsində avtomobildə olan sərnişin, Ağdam rayon Güllücə kənd sakini, 1988-ci təvəllüdlü Rövşən Aslanov müxtəlif növ bədən xəsarətləri alıb.

Yaralı Ağdam mərkəzi rayon xəstəxanasına çatdırılıb. Ona ilkin tibbi yardım göstərildikdən sonra Bərdə rayon mərkəzi xəstəxanasına göndərilib.

Faktla bağlı Ağdam rayon polis şöbəsində araşdırma başladılıb.