Avtobus dərəyə aşdı: 17 ölü, 34 yaralı

Əfqanıstanın şimal-şərqində sərnişin avtobusunun dərəyə aşması nəticəsində 17 nəfər ölüb, 34 nəfər isə xəsarət alıb.

Avtosfer.az Sinxua agentliyinə istinadən xəbər verir ki, qəza iyulun 16-da Baqlan əyalətinin Xincan rayonunda baş verib. Hadisə ilə bağlı əyalət polisinin mətbuat katibi Mövlavi Şir Əhməd Burhani məlumat yayıb.

Bildirilib ki, qəza sürücünün ehtiyatsızlığı səbəbindən baş verib.

Ölənlərin arasında uşaqların da olduğu qeyd edilib.

Hüquq-mühafizə orqanları tərəfindən araşdırmalara başlanılıb.

Namiq Musayev