Azərbaycan yollarında qanlı şənbə: 3 ölü, 9 yaralı

İyulun 5-də Azərbaycanın müxtəlif yerlərində 9 yol-nəqliyyat hadisəsi baş verib. Baş Dövlət Yol Polisi İdarəsindən Lent.az-a verilən məlumata görə, baş vermiş qəzalar nəticəsində 3 nəfər həlak olub. Daha 9 nəfər isə müxtəlif dərəcəli bədən xəsarətləri alıb. Ölümlə nəticələnən qəzalar Bakının Sabunçu rayonunda, Sumqayıtda və Gədəbəydə qeydə alınıb. Hər bir fakt üzrə zəruri araşdırmalar aparılır.