Azərbaycanda minik maşınını qəsdən yandırdılar - FOTO

Hacıqabulda naməlum şəxslər tərəfindən minik maşını yandırılıb. Anspress-in verdiyi məlumata görə, ötən gün gecə saatlarında Hacıqabul şəhərində Şirvan sakininə məxsus “Toyota-Prado” markalı 90 MU 993 dövlət nömrə nişanlı minik avtomobili tamamilə yanaraq sıradan çıxıb. Hadisə yerinə Hacıqabul rayon Yanğından Mühafizə Hissəsinin yanğınsöndürən avtomobili və canlı qüvvəsi cəlb olunub. Yanğın gecə saat 04:40-da yanğınsöndürənlər tərəfindən söndürülüb. Yaxınlıqdakı tikililər yanğından mühafizə olunub. Avtomobilin sahibi onun qəsdən yandırıldığını iddia edir. Faktla bağlı Hacıqabul rayon polis şöbəsində araşdırma aparılır.