Bakı-Qazax yolunda daha bir dəhşətli qəza: ölənlər var

Bu gün saat 20.30 radələrində Bakı-Qazax yolunun Ucar rayonundan keçən hissəsində ağır yol nəqliyyat hadisəsi olub. “Mercedes” markalı minik maşını ilə “VAZ -2106” markalı avtomobil toqquşub. Nəticədə bir neçə nəfər ölüb, daha bir neçə nəfər isə ağır xəsarət alıb. Baş Dövlət Yol Polisi İdarəsindən APA-ya faktı təsdiqləyiblər. Bildiilib ki, hadisə yerinə yol polis əməkdaşları gedib. Qəza nəticəsində ölən və yaralananların şəxsiyyəti hələlik müəyyənləşməyib.