Bakı-Sumqayıt yolunda avtobus zolağına girən “Prius” sürücüsü qəza törətdi - ANBAAN VİDEO

Bakı-Sumqayıt yolunda qayda pozan sürücü qəza törədib.

Avtosfer.az-ın məlumatına görə, hadisə sentyabrın 17-də saat 23:54 radələrində qeydə alınıb. Belə ki, taksi fəaliyyətiylə məşğul olan 20-EL-285 dövlət nömrə nişanlı “Toyota Prius” markalı avtomobilin sürücüsü sağa manevr edərək öncə həmin zolaqdakı avtomobilə təhlükə yaradıb. Ardınca avtobus zolağına daxil olan “Prius” sürücüsü hərəkətdə olan sərnişin avtobusuyla toqquşub.

“Yol hərəkəti haqqında” Qanunun 48-ci maddəsinə əsasən 1.23 (“BUS” yazısı) nişanlanması ilə işarələnən zolaqlarda digər nəqliyyat vasitələrinin hərəkəti məhdudlaşdırılır. Zolaq 1.1 bütöv nişanlanma xətti ilə digər hərəkət zolaqlarından ayrılıbsa, digər nəqliyyat vasitələrinin bu zolağa bütün hallarda daxil olması qadağandır.

Nərmin