Bakıda «07»lərin qəzası: 1 yaralı var - FOTOLAR

Bakının Nərimanov rayonunda sürücünün xəsarət alması ilə nəticələnən qəza baş verib. Hadisə Ə. Dəmirçizadə ilə Təbriz küçəsinin kəsişməsində qeydə alınıb. Baxşızadə Gündüzün idarə etdiyi “VAZ 2107” ilə Hüseyn Məmmədovun idarə etdiyi eyni markalı avtomobil toqquşub. Nəticədə Hüseyn Məmmədov boğaz nahiyəsidən yüngül xəsarət alıb. Yaralıya hadisə yerində ilkin tibbi yardım göstərildikdən sonra hər iki sürücü ifadələrinin alınması üçün polis şöbəsində aparılıb. Hadisə yerində araşdırma aparan Nərimanov Rayon Polis İdarəsinin əməkdaşlarının APA-ya verdiyi məlumata görə, qəzanın əsl səbəbi hadisə yerində olan “Təhlükəsiz şəhər” kamerasına baxıldıqdan sonra məlum olacaq.

Faktla bağlı rayon polis idarəsində araşdırma aparılır.