Bakıda ağır qəza: ölən və yaralananlar var

Bakı şəhərinin Nizami rayonunda ağır yol qəzası baş verib. Rayon Polis İdarəsindən Lent.az-a verilən məlumata görə, Qara Qarayev prospektində "Opel" və "VAZ 2107" markalı iki avtomobil toqquşub. Nəticədə "VAZ 2107"nin sürücüsü 1962-ci il təvəllüdlü Adıyev Təhmuraz Mehdi oğlu aldığı ağır xəsarətlərdən hadisə yerindəcə ölüb. Avtomobildə olan 2 sərnişin xəstəxanaya yerləşdirilib. Sərnişinlərdən 1963-cü il təvəllüdlü İsmayılova Çəmən Məhərrəm qızının vəziyyəti ağır qiymətləndirilir. Faktla bağlı Nizami RPİ-də cinayət işi açılıb, araşdırmalar aparılır.